Welcome to Zanzinet Swahili Poems

Where Swahili matters!

Amani ni Fursa Adhim

 

Amani ni fursa adhim Jerusalem tuililie

1. Ya rabi tunakuomba, salama utupatie 
   Makosa tuliotenda, ya illahi tughufurie
   Sasa saa imefika, salama tushuhudie
   Amani ni fursa adhim, jerusalem tuililie 
2. Mafanikio tuone, jerusalem itungarie
   Jerusalem ni nyumbani, sote tukasalimie
   Amuturithisha seydna, ibrahim hio tujulie
   Amani ni fursa adhim, jerusalem tuililie 
3. Jerusalem ni al-quds, vitabu tuvijulie
   Imejengwa kinadhifu, waislamu tujivunie
   Mji huu mtukufufu, ya illahi tubarikie
   Amani ni fursa adhim, jerusalem tuililie 
4. Wakati sasa umewadia, jerusalem itungarie
   Rehma nyingi tuombe, na mema tujifanyie
   Tuwache mtafaruku, umoja tujivunie
   Amani ni fursa, adhim jerusalem tuililie 
5. Masjid al-aqsa, ni adhim ziara tujifanyie
   Safari zinyepesi, hajj trust ituandalie
   Al-quds ni aziz, ziara za kheri tujifanyie
   Amani ni fursa, adhim jerusale tuililie 
6. Kisa cha miraj, ni kitukufu sote tukifatilie
   Safari ya rasul llah(saa), adhim tuizingatie
   Dini ya kiislam, kamilifu ibada tujifanyie
   Amani ni fursa adhim, jerusalem tuililie 
7. Imani,tawhid,na taqwa sote tujihimizie
   Kamba ya ikhwan, imara wajib tuishikilie
   Hii itajenga imani, na umoja itupatie
   Amani ni fursa adhim, jerusalem tuililie 
8. Ikhwani wa palestine, ya rabi uwajaalie
   Subra kubwa wapate, dhambi uwaghufurie
   Neema uwapatie, na dar-ul-salaam uwajaalie
   Amani fursa adhim, jerusalem tuililie 
9. Shairi si fani yangu wataalam mnisahishie
   Hili ni langu la kwanza, hivyo munisaidie
   Makosa niliofanya, ya illahi nighurufie
   Amani ni fursa adhim, jerusalem tuililie 

 

Wabillahi tawfiq 

 

Dr. Amur Abdullah Amur