|
|
MPAKA LINI ?
Date: 21 May,2001
- Ulimwengu washangaza , mabingwa unawazuga
Sifaze wabembeleza , umma kutwa washilanga
Kazi kubwa ni kucheza , jina la ngoma kisanga
Kivumbi kitapoanza , kondeni shoka na panga.
- Pingu zafungwa akili, kuzifungua mashaka
Yakufanya ni mawili , khofu kwanza kuizika
Lapili kujisajili , tujuane pakusaka
Wakati ukiwasili , tupambane na majoka.
- Kitandawili natowa , jawabu nalingojea
Simba kaliwa na ngawa , vinyama vikasogea
wakaanza kuchagawa , kadhia ilotokea
Kisa kinanisumbuwa , nimebaki naelea.
- Nyoka waajabu , duniani ametua
Kiya lake la dhahabu , na miguu ya shazia
Chakula chake zabibu , hakuna asiejua
Sumu yake inatibu , magonjwa yanosumbua.
- Malumbano si mshoto , wakuchokorea pweza
Madhumuni siyo joto , chuki kuzitapakaza
Njugu zafanywa kokoto , mshipi wakurambaza
Twapakana manukato , kama hina ilokoza.
Hashil S. Hashil
|
