|
|
Visiwa Viokolewe!
Date: 16 April 2001
-
ENYI WAZANZIBARI, WA KOTE ULIMWENGUNI
NATOA LANGU SHAURI, SOTE TUSHIKAMANENI
VISIWA VYETU VIZURI, VIMEKUWA HATARINI
HIMA TUVIOKOENI, VYAHIBU VISIWA VYETU
- KUNA WANAO VITAKA, WAVITIE MIKONONI
AMBAO TUNAHUSIKA, SOTE TUWE MKIANI
YAWE YAO MAMLAKA, KWA BARA NA VISIWANI
HIMA TUVIOKOENI, VYAHIBU VISIWA VYETU
- HILO LINAITHIBATI, SI KWA KUWA NINABUNI
MWENYEJI HANA SAUTI, HATA AKISEMA NINI
TULIO NAO WAKATI, WANAOTAMBA WAGENI
HIMA TUVIOKOENI, VYAHIBU VISIWA VYETU
- VISIWA NI YETU NCHI, IMEVUNJIWA THAMANI
HASA KWA KIPINDI HICHI, CHA MUUNGANO JUENI
NI KITALU CHA KABICHI, HICHO NI CHAKE KIFANI
HIMA TUVIOKOENI, VYAHIBU VISIWA VYETU
- MTAWALA ALIYEPO, KAZIDI MALUUNI
WENYEJI KILA WALIPO, ROHO ZIMO VIDOLENI
WANAWINDWA KAMA POPO, KWA RISASI SI UTANI
HIMA TUVIOKOENI, VYAHIBU VISIWA VYETU
Yussuf Rajab
|
