|
|
Vitendo si Maneno!
Date: 14 May 2001
-
Aitafuta bahati, amezugwa na wakati
Alitakalo hapati, kaibuka na machati
Kwao hataki kuketi, ati hakuna gazeti
Bado yeye mwenye kiti, atuna kuliko seti.
- Pendo ni sumu ya nyoka, viumbe kuliepuka
Lakukumba wachujuka, umwehu wakugubika
Waenda wamungunyika, wasomacho wakucheka
Dawaye ni kuzinduka, Au utaathirika.
- Matusi kwao ni ngao, matunda wayachumayo
Limbukeni nyendo zao, kutwa ndiyo hayo hayo
Nimchwa kwenye ubao, ufisadi mambo leo
Husuda ni chombo chao, abiria vyoo vyao.
- Tatizo ukiwanalo, kutanzua ni mazao
Hutafuti kubwa lao, kukwepa uliyonayo
Wasimama na mrao, kuzizima chuki zao
watafunga kwenda kwao, watabaki mshangao.
Hashil S. Hashil
|
