SI UBETI WANGU

Date: 27 Dec, 2002

Wambaje mwenye kutamba - Pahala pa kivuuko
Na ntoni muna mamba - Pwani ntumbwi hauko
Akakutokeya simba - Akakutisha vituko
Utakwenda kwenye simba - Au tangiya ntoni ?

Saleh Barkey

SI UBETI WANGU

Date: 27 Dec, 2002

Sitaingia ntoni, kuhatarisha maisha,
Mamba yeye yu nyumbani, hata nvua kinyesha,
Simba tu wote ugani, akitisha tantisha,
Tanrukia shingoni, ntoni kunivuusha,
Nitarukia ntini, kusalimika si hasha,
Nahisi upunguwani, ntoni kujizamisha,
Sitaingia ntoni, kuhatarisha maisha.

Ahmed Rashid.

SI UBETI WANGU

Date: 28 Dec, 2002

1. Ntambaji yuabesa, Ingawaje hana pesa
   Yungali apwesa pwesa , Jawabu ameikosa
   Mamba roho anitesa , Aona hivi yatosa
   Nako huku kuna visa , Hataki mpa furusa
2. Nti hiuparamiya, Simba tawi tarukiya
   Kukavu kikimbiliya, Mamba tanifukuziya
   Harufuye yanukiya , Wawili wananijiya
   Dawa ni kunrushiya , Mafinge kumtupiya

Sayed Al Mugheiry

SI UBETI WANGU

Date: 29 Dec, 2002

1. Sibesi sinakutamba, nimekwama kivukoni
   Si wasimba si wamamba, natetemeka pembeni
   Kitafakari kiomba, japo simba simuoni
   Yake sauti mepamba, ikinguruma mwituni
                   Naogopa taabani
2. Nimebakia na mamba, twatizamana machoni
   Mdomo mwili kavimba, kajizamisha majini
   Akisikiza ya simba, sauti kiwa mtoni
   Hanajicho alofumba, ndotoye nishuke chini
                  Nami ng'oo,darajani
3. Simba akajitokeza, kumuona kama ndama
   Mambo yakanishangaza, sikuwa na lakusema
   Vituko alivyofanza, kunitisha kunguruma
   Njia tukaiogoza, simba mbele mimi nyuma
                  Mamba mtoni akema

Maher Fundi (Unique)