Chungwa: Bata: Jicho: Dunia: Kupenda: Kajificha: Pia (Ulimwengu wa Mashairi)

Date: 29 May 2002

Chungwa

Ladha ya chungwa si sawa, hata liwe susu moja
Utamu wa kila chungwa, walionja moja moja
Wala sijaota mbawa, nisemayo yanahoja.

Bata

Bata husemi ni kuku, jogoo kumwita paka
Mshuku si chuku, rafikiyo siyo kaka
Kiteweo chukuchuku, mke ataka talaka

Jicho

Jicho simaku adhimu, litumie kwa heshima
Usijitie wazimu, wakati unapolima
Bahati geuka sumu, unapopanda milima

Dunia

Nalizunguka dunia, kuitafuta bahati
Nikanunua gunia, yakawa kumbe machati
Katoka akaingia, mithili ya kalafati

Kupenda

Nakupenda hunipendi, nyimbo waloerevuka
Mapenzi siyo magadi, mdomoni kuyaweka
Wayaenzi kwa juhudi, siyo kutwa watapika

kajificha

Kajificha kwenye anga, ndege zinamtafuta
Wengine wamo kuanga, mafushi yao mafuta
Awangoja kwa mapanga, siku atayowakuta

Pia

Azunguka kama pia, dunia imemkumba
Wanatoka wakingia, waganga wenye vilemba
Lilobaki ni kulia, achombezwa na marimba.

 

Wakatabahu

Hashil