|
|
Chemsha Bongo
Date: 23 May, 2003
- Kila kitu kina mwisho, usingie ujingani
Uonacho mzungusho, hiyo pia iangani
Wengine ni vichekesho, mabotea ya jangwani.
- Ujuacho huwa sicho, vigumu kuweza juwa
Vingi vyao ni mficho, yatakiwa kupembuwa
Yatakiwayo ni macho, na moyo usonadowa.
- Mbweko wa mbwa koko, hauzuwii wendako
Wakumbuka ya viboko, watizamaji vicheko
Bado wao chokochoko, majikoni ni mpiko.
- Yakuishituwa cheche, uwanjani kuingia
Asotaka umuache, hakuna kumzingia
Masikini ndugu Che, yako mengi kachangia.
- Leo hili kesho lile, konde yao inamwitu
Matunda yao kelele, kugombana kwao utu
Hatua kumi za mbele, mia za nyuma ni kutu.
Hashil
|
