|
|
Kizungunkuti
23 Jan 2003
- Tafadhali niambie, usiniweke kizani
Akili pate tulie, nijue nasema nini
Mafumbo sinipigie, kunitia hamkani
Mwezangu nitamkie, wewe kiumbe gani
- Machozi yako yaweke, wala moyo sishituke
Mwenzako bado ni pweke, mekusabili niteke
Wala usihangaike, mkono wangu nishike
Kheri yangu utamke, majonzi usiyaweke
- Umenitia kitanzi, sijui kujitanzua
Zimenijaa pumzi, wala siwezi pumua
Na wewe si muokozi, hajayo kunisumbua
Yareti ungemaizi, hadharani kukujua
- Hukuvuta nifulani, ambae ametoweka
Hukudhani ni mwandani, moyoni nilokuweka
Nisaide ni nani, mwenzio ninateseka
Nakuomba samahani, kalamu ninaiweka
Miminae
|
