|
|
Malkiya
Date: 05 September, 2003
- Nipe vyako zamani, ambavyo nimezoweya
Nivienzivyo moyoni, kuvikosa ni udhiya
Vya wengine sivioni, ya kwamba vimetimiya
Nambie nifanye nini, mimi kwako maridhiya
- Umbo lako wastani, Ndilo linonivutiya
Ulopewa na manani, kweli kakuchaguliya
Haiba na zako shani, zazidi kupaliliya
Mwenginewe sitamani, hata kumuangaliya
- Kikwita Huruaini, bado nakupunguziya
Ujuzi na zako fani, Katu hawajafikiya
Umepasi mitihani, wao waloikimbiya
Kitiwa mwao kundini, wewe kwao malikiya
- Mpenzi usinihini, juwa kwako naumiya
Hutoki mwangu ndotoni, Na kutwa nakuwaziya
Usidhani ni utani, Haya ninayokwambiya
Ukija kunizaini, Juwa nimeangamiya
Anonymous-146
|
