|
|
Chemsha Bongo Kwenye Mkondo wa Mashairi
Date: 22 Juni, 2003
- Uchaguzi ni daraja, tujizatiti kikweli
Mke mume na mkaja, njia zote za halali
Ushindi utapokuja, imani siyo ukali.
- Kafukuzwa kiidhara, wenziwe midomo wazi
Jina lake ni kachara, abwabwaja kama chizi
Huko nyuma akingara, leo mithili jambazi.
- Waanguka wanyanyuka, na hatuwa wazidisha
Hujifanyi kama paka, na macho kuyarembusha
Hakuna lisoshindika, onyesha zako bashasha.
- Nchi zote katataga, hakupata atakacho
Wamuona anaaga, hakuangalii macho
Atafutiwe waganga, wamtibu kimlacho.
- Hunijui sikujuwi, tatizo sijalijuwa
Ikiwa mwenzagu chuwi, mimi kuku naanguwa
Naambiwa ni kiziwi, dunia yanisumbuwa.
Hashil
|
