MUHOGO WA JANG'OMBE

Date: 25 August, 2003

Kiitikio:

• Muhogo wa Jang'ombe, sijauramba mwiko
  Usitukane wakunga, na uzazi ungaliko

1. Kaditamati naapa, muhogo sitonunua
   Haikuwa Maimuna, aliyekwenda ung'oa
   Kapata tete kuanga, na ugonjwa wa shurua



2. Kula dori kula dori, mshindo wa sufuria
   Guliguli guliguli, kofia ina viua
   Ndiye mimi ndiye mimi, anipataye ukoa



3. Mungu akitaka kupa, hakuletei barua
   Hukupa usingizini, pasi mwenyewe kujua
   Kwenda mbio sikupata, bure unajisumbua



4. Mkato wake matege, wakati anapokuja
   Naliiweka dhamiri, ya kumfulia koja
   Wallahi nimeghairi, kiumbe hana mmoja



5. Kamfunge kamfunge, beberu wa Athumani
   Umfunge umfunge, pahala panapo jani
   Endaye tezi na omo, atarejea ngamani



6. Sina ngoa sina ngoa, kuhadaiwa sitaki
   Ni mwerevu ni mwerevu, wala sihadaiki
   Pambanua pambanua, viwili havipendeki



7. Ya nini kutakadamu, kwa jambo lisilokuwa
   Utahadhari na mwiko, wakati wa kupakua
   Ukitamani makoko, chungu utakitoboa



8. Nauliza masuala, hamnambii jamani
   Watu wake wakishiba, huzidi umaluuni
   Pahala pasipo ngoma, hupandwaje na shetani

Nyimbo ya Bi Kidude
Imeletwa na Hassan O. Ali