|
|
MWANA WA MOYO
Date: 1 May, 2003
- Mama kimwana wa moyo, najiuliza kwa nini
Kitwetatweta mlio, katu sijayaamini
Sauti ghafla hiyo, gharib masikioni
Mwana naumia moyo, hayo sikuyadiriki.
- Mbali ya uoni wangu, angavu siikadiri
Mumba ardhi na mbingu, kadiri yake Bashiri
Mama huu ulimwengu, ninauona dhahiri
Mwana naumia moyo, hayo sikuyadiriki.
- Zavuma pepo angani, mavumbi macho sioni
Ya Rabbi Ya Rahmani, nayahitaji ainy
Duru hii insani, mwana wa kimasikini
Mwana naumia moyo, hayo sikuyadiriki.
- Zaidi ya kumi mara, yaita haisikiki
Sikio shahidi pera, ukali wake ashiki
Natamani hiyo mara, tumbo mepata mikiki
Mwana naumia moyo, hayo sikuyadiriki.
- Katu sikuyadiriki, mwana naumia moyo
Katu sikuyashiriki, sababu ni yako moyo
Wapi nitayahakiki, yaliyofichwa na moyo
Moyo walia machozi, macho yaona majonzi.
"CHAMA"
|
