|
|
Jamani Ngazi
Date: 15 April, 2003
- Ngazi imekuwa refu, kufika juu bahati.
nnaipanda kwa safu, bado sijaona bati.
miaka imesadifu, napanda ni katikati.
Napanda ni katikati, ngazi imeleta tifu.
- Chini nako sikuoni, ngazi ilikoanzia.
nimekuwa hamkani, nimengia na tanzia.
juu hakuonekani, na chini kumepotea.
Na chini kumepotea, hiki ni kioja gani.
- Shauri nalishauri,wapi pa kuelekea.
tena nimetia ari,ari ya kuteketea.
kuruka juu tayari,au chini kutelea.
Au chini kutelea,yote mawili jabari.
John Smith
|
