Ntampiga kwa mbali

Date: 16 May, 2003

1. Fundi hatafuti mbili, moja ya ndani yatosha
   Wala sitangi kwa hili, cha mbele huporomosha
   Kama haya hukubali, kiweke takuonesha
   Ntakipiga kwa mbali, kama nnakiamsha



2. Iwe ndogo ya sindano, tundu ya kiasi hicho
   Umbali uso mfano, kipande ukijuwacho
   Sitolitafuna jino, wala kupepesa jicho
   Ntakitowa kibano, kiruke kisiwe nacho



3. Sisaki kwenye vichaka, kwa mshare na upinde
   Langu ni pori la nyika, mkuki huwa upande
   Nikirusha nihakika, wateleza na umande
   Ukapiga kwa haraka, akafa na usigande



4. Sasa nnakuwalika, twende sote usasini
   Shuruti hutoshituka, kuyaogopa majani
   Au vinopukutika, nakuanguka mitini
   Tukamkamate nyoka, tumtiye guniani



5. Yako ya mbali ifiche, fimbo usije muuwa
   Akitoka bora mche, hapendi kukaribiwa
   Usijifanye macheche, kutaka kumraruwa
   Atakudhuru muwache, ana moto usojuwa

Maher(Unique)