CHEMSHA BONGO-MAPENZI

03 Juni, 2003

1. Pendo lako siliwezi, uzito nanga karuwa
   Linan'gara kama mwezi, kuangalia lauwa
   Mimi kwako mwanagenzi, fani zinanisumbuwa.



2. Kupenda akupendaye, mithili uwa chanuwa
   Hapo wewe huwa yeye, hakuna la kusumbuwa
   Mwenginewe huwa siye, vigumu kuwabaguwa.



3. Mapenzi ya kizamani, leo hatunayo tena
   Yanawasha kama weni, na matusi mbayana
   Watamani kujilani, kila kitu chagongana.



4. Akicheka unanuna, alia wewe waguna
   Mwabaki kudanganyana, nyuma na mbele hakuna
   Wamuona wakazana, na uso unauchuna.



5. Ukiapizwa kwa pendo, bora upondwe na gari
   Mwendo wako kaa- gando, wendako watahadhari
   Shomari waita dodo, mtoriro ni achari.

Hashil