|
|
Sudfa!
Date: 23 Sept 2002
- Mwenzako ninawazia, nashindwa kupata jibu
Ardhi ilipofikia, Waja wameiharibu
Kila pembe ya dunia, imezongwa na hurubu
Ndipo ulipotokea, Ukanitunuku hubu
- Kwanini tukakutana, katika kipindi hiki
Watu wamesongomana, kila saa ni mikiki
Bure wamenuniana, harusini hawacheki
Ila ninapokuona, huzisahau hilaki
- Asubuhi nimechoka, jioni nitaabani
Kila ninachokishika, hakikai mikononi
Ni kimoto kinafuka, chavukuta ndani ndani
Wangu moyo hufunguka, nikutiapo machoni
- Chuki na mengi maovu, ndiyo yanayoongoza
Kila mtu ana kovu, au donda auguza
Huonekana mwerevu, mambo anoyabiruza
Bila wako uokovu, singeona muangaza
Said Paul
|
