|
|
Bora Urafiki!
Date: 04 April 2004
-
Waonaje, tukabaki marafiki
Ingawaje, twalingana akhlaki
Tufanyeje, yeyote halaumiki
Ni kheri ya haya
- Urafiki, yeyote halazimiki
Kimiliki, kutowa ni yako ashki
Kiashiki, furahisha halaiki
Ni kheri ya haya
- Twewaona, wapenzi walopendana
Kishikana, mithili ya ndizi chana
Metengana, sasa wamenuniana
Ni kheri ya haya
- Usuhuba, lawama waiepuka
Sio huba, yabidi kulazimika
Mahabuba, yake radhi kumtaka
Ni kheri ya haya
Chakupewa
|
