Gombe Dume

Date:  28 Aug 2004

1. Gombe dume limekata - Linazaga mitaani
   Lataka leta matata - Wenzangu tahadharini
   Popote hupitapita - Laangaza hata ndani


2. Huvila vyakula vyote - Wala si hoja majani
   Taka wali na mikate - Hata piya doriani
   Fanyeni tulikamate - Tusingiye hasarani


3. Gombe sugu kweli kweli - Hii nawapa yakini
   Lapiga na halijali - Litakuja mpaka ndani
   Huharibu yote mali - Lateka hata vyumbani


4. Gombe na ujamu wake - Ni mkubwa wa kifani
   Wala halina makeke - Bazazi la namba wani
   Bora sasa tulisake - Litaleta kisirani

Kiitikio:

• Gombe dume limekata - Litatutiya hasara

Shairi : Dr. Said Ahmed - Wete - Pemba (1969)
Limeletwa ukumbini na: Saleh M. Barkey