Nikuonavyo ni Hivi!

Date:  01 April 2004

1. Huna lako, umeishiwa zamani
   Kazi yako, kujipachika kundini
   Cheo chako, mekueka limbukeni
   Hivi ndivyo ulivyo
2. Mekusoma, nikakujuwa undani
   Nimekoma, mwisho wetu mitaani
   Menichoma, donda mekaa moyoni
   Hivi ndivyo ulivyo
3. Si kwa shari, haya ,nikukumbushayo
   Jihadhari, njia mbaya upitayo
   ,kivinjari, tafikwa na wayo wayo
   Hivi ndivyo ulivyo
4. Ukiranja, kutaka paa angani
   Hu mjanja, kumshinda rahamani
   Kwa kiganja, utakuja rudi chini
   Hivi ndivyo ulivyo.

 

Ally (Yarabi Stara)