NINI KOSA LANGU ?

Date: 14 July, 2004

1. Ewe uliye mwandani, salam yangu pokeya
   Nisikize kwa makini, moyo kunisabiliya
   Nataka wako undani, upate nisaidiya



2. Tumetokana zamani, hasidi wakiumiya
   Ukinipa ya moyoni, na thamani kunitiya
   Kimekugeuza nini, mara menigeukiya



3. Kosa langu kitu gani, kheri kunitamkiya
   Usipite vipembeni, lana kunipakaziya
   Alokamilika nani, katika hii duniya



4. Haitakuwa vibaya, iwapo utanambiya
   Kama nimekukoseya, ni radhi kukwangukiya
   Wala sitoona haya, kwako wewe mardhiya

MIMINAE

NINI KOSA LANGU ?

Date: 18 July, 2004

1. Mwendani sinishtaki, Likupatalo nyamaza
   Mimi sitokushiriki, wala sitokuuliza
   Kula mtupa tariki, hawachi kujipoteza
   Asietaka kufunzwa, hasalimilki na jambo.



2. Nalikwambia kitambo, mwendani wangu sikiza
   Sicheze na Mawi mambo, ukanambia tacheza
   Leo twapigana kumbo, kula twendapo husoza
   Asietaka kufunzwa, hasalimiki na jambo.



3. Ulijifanya mwekevu, kula jambo waliweza
   Kwa kutamania nguvu, akili ukapoteza
   Leo yamekua wavu, tatizi mekutatiza
   Asietaka kufunzwa, hasalimiki na jambo.



4. Nalikwambia latisha, ukapinga tangu mbele
   Na leo limekutwesha, vumilia vile vile
   Mwiba wa kujitonesha, mtu haambiwi pole
   Asonyooka milele, hasalimiki na jambo.



5. Undani wangu ni huo, nao sio mwegineo
   Nimekujulisha hayo, kurekebisha ni kwako
   Dunia si tegemeo, huzamisha wenye vyao.
   Asietaka kufunzwa, hasalimiki na jambo.

Abdul