Nipo!

Date:  17 May 2004

1. Nipo papo si baidi, nayachunza yapitayo
   Nipo pangu meshtaudi, nafahamu mufanyayo
   Nipo sijenda mradi, nasikia munenayo
   Ningalipo sijauka
2. Ningalipo sijauka, sina pa kuelekeya
   Naapa sijaondoka, hili ni letu pamoya
   Wala msitie shaka, sambamba twaelekeya
   Hadi nanga kuitia
3. Hadi nanga kuitia, mikono tutashikana
   Hakuna la kunitoa, japokuwa twabanana
   Japo kwa kuchechemea, hatua mbele mwanana
   Najuwa nimechelewa
4. Najuwa nimechelewa, ela kufika lazima
   Msiniwache wazawa, kwa vile nilisimama
   Ilibidi kuyagawa, maji yalizidi pima
   pumzi zilinishia

 

Mbarouk (Mnyonge wa Nyali)