KIUMBE HASARIFIKI

Date:  23 January, 2005

1. Huyo kachanganyikiwa, hana mbele hana nyuma
   Mwenyewe nguo kavuwa, kwenye hadhara ya umma
   Kaishiwa kachachiwa, namuonea huruma
   Achekwa akejeliwa, kila akijitutuma


2. Azurura kila njia, mambo yamemsakama
   Asumbuka na dunia, wateja wamemhama
   Apita kukamatia, aibu mji mzima
   Muflisi wa tabia, kila mtu amsema


3. Alipopewa shubiri, yeye kachukua pima
   Alijidhani hodari, kutamba na kunguruma
   Kumbe watu wamnyari, kimya wanamtazama
   Keshamaliza safari, amekwisha kadi tama


4. Kiumbe hasarifiki, Wallahi bora mnyama
   Ni thakili habebeki, saliti wa kila jema
   Makuhuluki mnafiki, mwishowe hana salama
   Stahili mzandiki, radhi zinamuandama

KIITIKIO
Kiumbe hasarifiki, saliti wa kila jema
Jaza yake mzandiki, radhi zinamuandama

Shairi: Saleh Barkey - 16th August, 1997

Limeletwa na unique