Nchi Yangu

Date:  20 August, 2005

1. Nimependa, Nimependa hadi
   Sitarudi, Pale nilipokwenda
   Sitashindwa, Kwa wangu muradi
                        Nchi yangu


2. Nchi yangu, Ndio wangu mama
   Ulikwisha, Kumeza machungu
   Jina langu, Kupata heshima
                     Nchi yangu


3. Wangu baba, Bwana familia
   Unolea, Kwa mema mahaba
   Na msiba, Ukifagilia
                  Nchi yangu


4. Ndio mke, Hariri ya moyo
   Nipendayo, ulonayo peke
   Unishike, Tukishinde choyo
                 Nchi yangu


5. Una shida, Ndani ya hikidi
   Maanidi, Wamo wakugida
   Shika ngoda, Piga mafisadi
                      Nchi yangu


6. Uchecheme, kujivuta mbele
   Ipo ndwele, Fanya usimame
   Fanya shime, Inuka mvyele
                        Nchi yangu


7. Siwe nyuma, Muda kumekucha
   Kijiacha, Sipo jisukuma
   Aja nyuma, Shetani makucha
                     Nchi yangu


8. Nchi yangu, Ninayoipenda
   Nchi yangu, Damu inokwenda
   Nchi yangu, Haki utashinda
                     Nchi yangu

Shairi : Maalim Abbas M. Mdungi
Limeletwa na Salma Said katika Makala ya Nabwa