Chozi!

Date: 17 June, 2006

1. Ewe chozi , endelea kudondoka
   Yako enzi, imekawia kufika
   Mpanda ngazi , amekataa kushuka
   Nimeshindwa mie


2. Yangu dhana , yakuwa yatageuka
   sina tena , tamaa imezimika
   haya hana , ashindana na rabuka
   Nimeshindwa mie


3. Ana hanja , madhila kukupachika
   Si mjanja , Ila amelaanika
   Anavunja , Hapo anonufaika
   Nimeshindwa mie


4. Wewe ona , moyoni yakuumize
   Ukipona , katu yasikupendeze
   Kweli nena , mabwana uwachukize
   Yangu leo sio kesho yako

Said Paul