NCHA YA KISU KOONI!

Date: 09 March, 2006

1. Nakupeni yalo ndani, ya ng'o hatukubali
   Sio ya mkahawani, au baoni ya kweli
   Mazito yako kooni, kwao ni kitendawili
   Baba fimbo mkononi, watoto na wafadhili


2. Si uvumi pata shika, shinani Kisiwanduwi
   Ngumi mtu chupa ruka, wachungu huwaelewi
   Mvute nguo chanika, walivyo kama wachawi
   Makonde ya mwangaruka, na nyimbo hatuitowi


3. Kaja kutoka mrima, mdogo wa baba yao
   Kupatanisha hasama, ya wawili chombo chao
   Kwaheri chenda mrama, zimekwisha zama zao
   Haya maneno mazima, shikeni yawe ni tao


4. Hazitimu siku tatu, ikafata msijue
   Si ya kupigwa upatu, wala beni mtambue
   Wevi warudisha chetu, haki yetu tuchukue
   Tuijenge ngome yetu, na mazuri tuamue

Maher ( Unique )