|
|
MJUE PROF. MAZRUI!
Date: 08 April, 2008
- Mpitanjia sbalkheri, wala wewe si Mnyonge
Subira huvuta kheri, kwa kuja na lako tonge
Mazrui msema kweli, kwetu Mjini na Donge!
- Kwetu Mjini na Donge, tafuta wa kutwambia
Situletee mikonge, ya kuharibu tabia
Kwani sisi si vishonde, kunajisi Hamzia!
- Kunajisi Hamzia, mambo hayo si ya kwetu
Kote tunakoingia, husafisha nia zetu
Wala hujayasikia, katika Ukumbi wetu!
- Na Wanaukumbi wetu, si watu walona choyo
Kujua ndo kipi chetu, ni haki yetu ya moyo
Tumehifadhi Sepetu, Unguja na Bagamoyo!
Salim Himidi
|
