Welcome to Zanzinet Swahili Poems Where Swahili matters!
Mama Musimlaumu!
Related links	Mama Musimlaumu! Date: 18 June, 2006 Imenibidi kunena , kabla wangu wakati Sababu nimewaona , mamangu humlaiti Mamangu makosa hana , si pweke amezohiti Kosa hili nda ummati Nda ummati hili kosa , na ziyongozi wa nti Kosa nda wana siyasa , na mahakimu wa koti Kosa nda wenye mapesa , na wasiyo na senti Kosa hili nda ummati Mamangu si Mariyamu , wa Imrani binti Mama ni mwanaadamu , meishi hapa tiyati Na nyoteni mwafahamu , kuna dhaifu wakati Hushindwa kuidhibiti Mama hakutenda pweke , na labuda hakukiri Ali na mwendani wake , aloifanya jasiri Ndipo mimi niumbike , mamangu kumuaziri Pasina yangu shauri Ikiwa kuna lawama , lawama nazitanganye Mukimlaumu mama , nae baba mumkanye Ndipo hapo yatakoma , ubaguzi musifanye Wanawake musifanye Mimi kattu sikubali , mamangu kumlaumu Na pweke kumkejeli , huwa ni kumdhulumu Kwaye pweke yambo hili , aswilani halitimu Hilo nyote mwafahamu Kitendo ni cha wawili , alopawa kapokeya Haitokuwa adili , mama pweke kumwemeya Halihitaji dalili , wala hoja kuzengeya Ayuwa kulla mmoya Mno huona utungu , kiwasikiya kunena Humlaumu mamangu , kwa kuwa mkosa sana Mimi na wendani wangu , hatupati hata ina Ni sina au sibina Mahmoud A. Abdulkadir (MAU) -P.O.Box 54 - Lamu , Kenya 7-7-2005
About Us | Zanzinet Home | Contact Us | ©2004-2006 Zanzinet