Ulimi!

Date: 26 August, 2004

1. Ulimi ni tamu, ukiutongowa
   Wa ama ni sumu, ya kusongonyowa
   Uyuwe fahamu, na mwiso huuwa


2. Ni nyama laini, haina mfupa
   Njema kwa lahani, Mola ametupa
   T'unu ya thamani, usio mshipa


3. Utatuma wema, kwa wako wendani
   Ndugu kukugema, na kuya nyumbani
   Lakukusukuma, halipatikani


4. Kwa baba na mama, kuwekwa paani
   Utakuwa mwema, na kwa majirani
   Kuyuwa kusema, ni usulutwani


5. Wasokufahamu, wauze ni nyani?
   Wafanye hamumu, waje masikani
   Na wakuhishimu, wawe wa nyaoni


6. Swarifu hisani, uwekewe mbeko
   Kwa nde na ndani, na kwa wat'u wako
   Daraja ya shani, towa shaka ndako


7. Hutowa pangoni, nyoka kaja kwako
   Katoka waani, asiche zituko
   Yako ulimini, mema matamko

Limeletwa na Saleh Bakey

Mtungaji : Shaha: Ahmed Sheikh Nabhany (Mombasa - Kenya)